Polar 最近又有新品推出，身為CPMASTER既筆者當然要搶先了解一下呢隻M200 GPS光學心率跑步手錶有咩咁特別啦。
呢隻錶款外型無太多花巧嘅設計，而用色方面都比較青春同埋有活力，仲有5隻色可供選擇，喺Polar出品入面可算係多顏色選擇嘅其中一個系列。
M200除咗俱備運動手錶普遍有嘅GPS定位，防水同埋測試心率等功能之外，亦有一套強大嘅智能運動訓練系統，以下就等筆者盡量簡單咁為大家介紹一下呢套運動訓練系統嘅功能啦。
- 智能卡路里
M200內置嘅卡路里計數器可根據用家嘅體重，身高，年齡，性別，個人最大心率（HRmax）和訓練難度計算訓練期間消耗咗嘅卡路里數。
- 活動指南
透過M200內嘅活動指南可顯示出用家喺白天嘅活躍程度，然後通過實際指導，比如“步行50分鐘或慢跑20分鐘”，令到用家可以達到每日嘅活動目標。
- 平日活動記錄
呢個功能會記錄用家平日嘅動態，然後根據用家嘅活動量大小來為用家提供每日，每周及每月嘅健康益處反饋。
- 培訓效益
運動之後嘅反饋喺訓練成功其中一個非常重要既元素，而培訓效益呢個功能可以讓用家了解佢地所做嘅運動對身體不同機能嘅強化作用，對希望了解自己運動進度嘅用家有相當嘅幫助。
- 跑步計劃
用家可以於Polar嘅專屬應用程式 “Polar Flow”上制定一個適合自己目標的培訓計劃，比如想參加馬拉松或者其他運動比賽嘅時侯就可以透過最終目標同埋時限等設定去制定出最適合自己嘅訓練計劃。
總結一下呢款Polar M200型號係普通運動跑步上嘅功能都頗為貼心齊全，另外日常使用方面亦有智能提示，可顯示來電或訊息通知。電池續航力亦於開啟24小時活動追蹤，外加每日一小時使用GPS及光學心率的功能，但沒有智能提示的情況下可持續使用6日，表現亦算不錯。
來源 : 友和YOHO
